श्री करणी मां री आरती । 


 आरत पाळण अम्ब , किरपे सुत मात  करणी । 
जतन करे जगदंब , जय जय सत जगत जरणी ।(१)      
    ।। आरती ।। 
 जय जय जग सुख जरणी , ओ मिईया जय आंणद करणी । 
तुम को निस दिन ध्यावत ,  दीन बंधु के सब दुख दरणी । 
ओम जय आंणद करणी  ओ मईया जय आंणद करणी ।(१)  

मेह घर अवतारी आ आवड़ , हर संतन के संकट हरणी । 
पार ब्रह्म रूप परमेश्वरी , जीव जतन जीवन जरणी ।
 ओम जय आंणद करणी ,  ओ मईया जय आंणद करणी ।(२) 

चारण कुळ तारण चरची , ब्रह्मचारणी जीवन वरणी । 
खेद खळ दळ खेसण खूंटा , भगती मन भावां भरणी ।
 ओम जय आंणद करणी , ओ मईया जय आंणद करणी ।(३)  

लाख लक्षण दर्शण निज लोवड़ , वेद विधा पत परचा वरणी । 
किरपा कर तुझ कायम  कीरत , धर्म सनातन धारण करणी। 
ओम जय आंणद करणी, ओ मईया जय आंणद करणी।(४)  

छंद छप्पय धूंप दिपे निज छाया , रूप संवळी आभ मंडल रमणी ।
 धाम देसाण सर्ग सम तुझ देवळ , काबा वाळी किरपा करणी ।
 ओम जय आंणद करणी , ओ मईया जय आंणद करणी ।(५)

  विठु वंस विश्वास विस्तारी , पात दीपे संग मेहाई परणी । 
दे दर्शण सिंह रूप में देवी , करनी ब्रह्म पारळ करणी । 
ओम जय आंणद करणी, ओ मईया जय आंणद करणी ।(६) 

मास इक्किस रही गर्भवास में , तात मेहा की सेवा सुख तरणी । 
सप्त बहन संग देवल कुख आई , सुवाप किनिया कुळ सु धरणी । 
ओम जय आंणद करणी, ओ मईया जय आंणद करणी ।(७) 

 कर परवाड़ा परम सत परसी , ज्ञान विज्ञान सुज्ञान मां भरणी । 
काती मास शोभा सुद्ध चहुदस , कोटि तेंतीस देव रमण करणी । 
ओम जय आंणद करणी,  ओ मईया जय आंणद करणी ।(८) 

 नवदुर्गा रूप नंवखंड निराळी , विधी विधाता वेदां विध वरणी । 
अम्ब सरण चरण निज चाकर , विद् सदानंद सेवा सुख वरणी ।
 ओम जय आंणद करणी ओ, मईया जय आंणद करणी ।(९) 


 आम्बदान जवाहर दान देवल आलमसर 9166910677