कट जासी दुख रोग कोरोना।
विपदा मिट जासी चंहु कोना।।
घर मे रहजो बैठा भीतर।
पुलिस पटकसी डंडा नीतर।
साफ सुथरा रखे बिछोना।
रगड रगड कर हाथ धोना।
सरकारी अस्पताल सुरक्षित,
टाळ व्यर्थ रा जादू टोना।
आइसोलेशन हे अति आवश्यक,
कुछ दिन बैठो छोना मोंना।
कट जासी दुख रोग कोरोना।
विपदा मिट जासी चंहु कोना।।
दो मीटर तक रखणी दूरी।
चाहे हो कितरी मजबूरी।
अळगा सूं करणो अभिवादन,
जतन देह रो घणो जरुरी।
अक्कड छोड पुराणी आदत,
मूंडे राम बगल मे छूरी।
परमेसर रघुवर जग पालग,
सांचे मन सूं, ध्यान धरोना।
कट जासी दुख रोग कोरोना।।
विपदा मिट जासी चंहुकोना।
मोदी जी रो कहणो मांनो।
कूडी भाखै नी इक आंनो।
सी ऐम अपणो बडो सजग है।
गजेंदर समंदर गुण वानो।
संकट मे विध विध समझावै,
सगळा मिल जुळ काम करोना।
कट जासी दुख रोग कोरोना।
विपदा मिटजासी चंहुकोना।।
आ उम्मीद है सोले आंना।
कट जासी दुखः रोग कोरोना।।
😁😁🙏🏼🙏🏼
रचयिता, मोहन सिह जी रतनू, से, नि आर पी एस जोधपुर
0 Comments
Post a Comment